គ្រាប់សាចាអិនឈិ

១. ប្រវត្តសាច់រឿងសំខាន់ៗរបស់សាចាអ៊ិនជី (Sacha Inchi) និងប្រវត្តផលិតផលសាចាអ៊ីនជី

ក. ដើមកំណើត និងប្រវត្តសាស្ត្របុរាណ (ជាង ៣,០០០ ឆ្នាំមុន)

• តំបនអាម៉ាហ្សូន ៖ ដើមកំណើតរបស់សាចាអ៊ិនជី គឺស្ថិតក្នុងព្រៃជ្រៅអាម៉ាស្សូនប្រទេសប៉េរ៉ូ (Peru)
• ជនជាតិអ៊ីនកា (Incas) និងជនជាតិបូវាណ ៖ តាមរយៈភស្តុតាងបុរាណវិទ្យា គេបានរកឃើញរូបរាង ឬ គំរូគ្រាប់គ្រាប់សាចាអ៊ិនជី ឆ្លាក់នៅលើភាជន៍សេរ៉មិច និងគ្រឿងពាង្គក្ស័យរបស់ជនជាតិបុរាណសម័យមុនសម័យអ៊ិនកា ដូចជា វប្បធម៍ Mochica និង Chimu ដែលមានអាយុកាលជាង ៣,០០០ មុនគ្រិសសករាជ។
• អត្ថន័យមានឈ្មោះ ៖ ពាក្យថា ” Sacha Inchi ” មកពីពាក្យជនជាតិដើម ភាគតិចជនជាតិប៉េរូ ( ភាសា Quechua ) ដោយពាក្យ Sacha ប្រែថា (ក្លែក្លាយ) ឬ (ព្រៃ) និងពាក្យ Inchi ប្រែថា​ (សណ្តែក)​ ដូច្នេះអត្ថន័យចំរៀងគឺ (សណ្តែព្រៃ ) ឬ (សណ្តែកក្លែងក្លាយ) ព្រោះរូបរាងគ្រាប់វាស្រដៀងនិងសណ្តែកដី ប៉ុន្តែវាជារុក្ខជាតិវល្លិដុះក្នុងព្រៃ។

ខ. តម្លៃជាឪសថ និងអាហារដ៍ស័ក្តិសិទ្ធិរបស់ជនជាតិដើម

ក្នុងប្រវត្តិសាស្ត្រជនជាតិដើមភាគតិចនៅតំបន់អាម៉ាហ្សូន គេមិនត្រឹមតែយកសាចាអ៊ិនជីមកធ្វើជាចំណីអាហារប៉ុណ្ណោះទេ ប៉ុន្តែពួកគេចាត់ទុកវាជារុក្ខជាតិ ឪសថបុរាណ ៖

• ថែរក្សាស្បែក និងព្យាបាលរបួស ៖ ជនជាតិដើមភាគតិច (ដូចជាកុលសម្ព័ន្ធ Mayoruna, Campas និង Huitotas ជាដើម) ធ្លាប់យកគ្រាប់ និងប្រេងសាចាអ៊ិនជីមកកិនលាយជាមួយម្សៅ ដើម្បីធ្វីជាក្រែមលាបស្បែក ដើម្បីការពារកំដៅថ្ងៃព្យាបាលរបូស និងកាត់បន្ថយការរលាកផ្សេងផ្សេៗ។
• បំប៉នសុខភាព ៖ គេប្រើប្រាស់វាដើម្បីជួយព្យាបាលការឈឺចាប់សន្លាក់ដៃជើង (Rheumatism) និងបង្កើនកម្លាំងពលំ។

គ. ស្ទើតែត្រូវបំភ្លេចចោល និងការរកឃើញឡើងវិញ 

• សម័យកាលអាណានិគម៖ នៅពេលដែលជនជាតិអេស្ប៉ាញបានចូលឈ្លានពាន និងគ្រប់គ្រងតំបន៉អាមេរិកខាងត្បូង ដំណាំ និង របៀបប្រើបា្រស់ប្រពៃណីរបស់ជនជាតិដើមត្រូវបានបំភ្លេចចោលជាបណ្តើរៗ រួមទាំងសាចាអ៊ិនជីផងដែរ។
• ការភ្ញាក់រលឹកឡើងវិញ (ទសវត្សរ៍ឆ្នាំ១៩៧០) ៖ ទើបក្រសួងកសិកម្មរបស់ប្រទេសប៉េរូ បានចាប់ផ្តើមសិក្សាស្រាវជា្រវ និងរកឃើញពីតម្លៃអាហាររូបត្ថម្ភដ៍អស្ចារ្យឡើងវិញជាពិសេសសារជាតិខ្លាញល្អ (Omega 3, 6, 9) និងប្រូតែអ៊ីនខ្ពស់ ដែលនាំអោយពិភពលោកចាប់ផ្តើមស្គាល់វា (ស្តេចគ្រាប់ធញ្ញជាតិ) (Superfood) រហូតដល់បច្ចុប្បន្ន។

ឃ. សាចា អ៊ិនជី (Sacha Inchi) ដែលមានឈ្មោះវិទ្យាសាស្ត្រ Plukenetia volubilis L.

គឺជារុក្ខជាតិមានដើមកំណើតនៅតំបន់ព្រៃអាម៉ាហ្សូននៃទ្វីបអាមេរិកខាងត្បូង។ ដំណាំនេះត្រូវបានប្រើប្រាស់ជាយូរមកហើយដោយប្រជាជនដើមភាគតិចក្នុងតំបន់ ដោយសារតែគ្រាប់របស់វាមានតម្លៃអាហារូបត្ថម្ភខ្ពស់ និងសម្បូរទៅដោយអាស៊ីតខ្លាញ់សំខាន់ៗដែលមានប្រយោជន៍ដល់សុខភាព។ ដោយមើលឃើញពីសក្តានុពលផ្នែកសុខភាព សេដ្ឋកិច្ច និងទីផ្សារ សមាគម សួស្តី កម្ពុជា បានសិក្សា ស្រាវជ្រាវ និងជំរុញការដាំដុះដំណាំនេះនៅព្រះរាជាណាចក្រកម្ពុជា ដើម្បីរួមចំណែកអភិវឌ្ឍវិស័យកសិកម្ម និងលើកកម្ពស់ជីវភាពរស់នៅរបស់ប្រជាកសិករ។

២. ការអភិវឌ្ឍកសិកម្មតាមកិច្ចសន្យា

ចាប់តាំងពីឆ្នាំ ២០១៥ មក សមាគម សួស្តី កម្ពុជា បានអនុវត្តកម្មវិធីកសិកម្មតាមកិច្ចសន្យា ស្របតាមច្បាប់ និងបទប្បញ្ញត្តិជាធរមានរបស់ព្រះរាជាណាចក្រកម្ពុជា ដោយសហការជាមួយប្រជាកសិករនៅខេត្តមណ្ឌលគិរី។ កម្មវិធីនេះមានគោលដៅលើកកម្ពស់ការដាំដុះសាចា អ៊ិនជី ប្រកបដោយគុណភាព និងសុវត្ថិភាព ផ្តល់ការបណ្តុះបណ្តាលបច្ចេកទេសកសិកម្មទំនើប បង្កើតទីផ្សារមានស្ថិរភាព និងបង្កើនប្រាក់ចំណូលជូនប្រជាកសិករ។ ការអនុវត្តកម្មវិធីនេះបានជួយកសាងខ្សែច្រវាក់តម្លៃកសិកម្មចាប់ពីការដាំដុះ រហូតដល់ការកែច្នៃ និងការចែកចាយផលិតផលទៅកាន់ទីផ្សារ។

៣. ការកែច្នៃ និងការផលិត

ដើម្បីបង្កើនតម្លៃបន្ថែមដល់ផលិតផលកសិកម្ម សហគ្រាស សួស្តី កែច្នៃកសិផលសាចា អ៊ិនជី ត្រូវបានបង្កើតឡើងនៅភូមិអូរសួស្តី ឃុំបារាយណ៍ ស្រុកបារាយណ៍ ខេត្តកំពង់ធំ។ សហគ្រាសនេះទទួលខុសត្រូវលើការប្រមូលវត្ថុធាតុដើម ការសម្អាត ការត្រួតពិនិត្យគុណភាព ការកែច្នៃ ការវេចខ្ចប់ ការផ្ទុក និងការចែកចាយផលិតផល។ រាល់ដំណើរការផលិតត្រូវបានអនុវត្តដោយអនុលោមតាមគោលការណ៍អនាម័យ និងសុវត្ថិភាពចំណីអាហារ ដើម្បីធានាគុណភាព និងភាពអាចតាមដានប្រភពដើមបាន។

II. ផលិតផលសាចា អ៊ិនជី

១. ប្រេងសាចា អ៊ិនជី

ប្រេងសាចា អ៊ិនជី គឺជាផលិតផលដែលផលិតចេញពីគ្រាប់សាចា អ៊ិនជី ដែលមានគុណភាពខ្ពស់ និងត្រូវបានជ្រើសរើសយ៉ាងម៉ត់ចត់ពីប្រភពដាំដុះដែលអាចតាមដានបាន។ ផលិតផលនេះត្រូវបានកែច្នៃដោយប្រើបច្ចេកវិទ្យាសមស្រប ដើម្បីរក្សាទុកសារធាតុចិញ្ចឹមធម្មជាតិឱ្យបានច្រើនបំផុត ជាពិសេសអាស៊ីតខ្លាញ់អូមេហ្គា ៣ អូមេហ្គា ៦ និងអូមេហ្គា ៩ ដែលមានសារៈសំខាន់ចំពោះសុខភាព។ ប្រេងសាចា អ៊ិនជី ត្រូវបានផលិតឡើងសម្រាប់បំពេញតម្រូវការរបស់អ្នកប្រើប្រាស់ដែលយកចិត្តទុកដាក់លើសុខភាព និងគុណភាពជីវិត។

២. គ្រាប់សាចា អ៊ិនជីចម្អិន

គ្រាប់សាចា អ៊ិនជីចម្អិន គឺជាផលិតផលអាហារសម្រន់ដែលផលិតចេញពីគ្រាប់សាចា អ៊ិនជី ដែលបានឆ្លងកាត់ការជ្រើសរើស និងកែច្នៃតាមវិធីសាស្ត្រសមស្រប ដើម្បីរក្សារសជាតិ និងគុណតម្លៃអាហារូបត្ថម្ភ។ ផលិតផលនេះមានរសជាតិឆ្ងាញ់ ងាយស្រួលទទួលទាន និងសម្បូរទៅដោយប្រូតេអ៊ីន និងសារធាតុចិញ្ចឹមធម្មជាតិ ដែលសាកសមសម្រាប់អ្នកប្រើប្រាស់គ្រប់វ័យ និងអ្នកដែលយកចិត្តទុកដាក់លើការថែរក្សាសុខភាព។

III. លក្ខណៈពិសេស

ផលិតផលសាចា អ៊ិនជី របស់សមាគម សួស្តី កម្ពុជា ត្រូវបានអភិវឌ្ឍឡើងដោយផ្តោតលើគុណភាព សុវត្ថិភាព និងតម្លៃអាហារូបត្ថម្ភ។ ផលិតផលទាំងនេះសម្បូរទៅដោយអាស៊ីតខ្លាញ់អូមេហ្គា ៣ អូមេហ្គា ៦ និងអូមេហ្គា ៩ ព្រមទាំងវីតាមីន E និងសារធាតុប្រឆាំងអុកស៊ីតកម្មធម្មជាតិ។ វត្ថុធាតុដើមដែលប្រើប្រាស់ក្នុងការផលិតអាចតាមដានប្រភពដើមបានយ៉ាងច្បាស់លាស់ ហើយដំណើរការផលិតត្រូវបានអនុវត្តស្របតាមស្តង់ដារអនាម័យ និងសុវត្ថិភាពចំណីអាហារ។ លើសពីនេះ ផលិតផលមិនមានការបន្ថែមសារធាតុដែលអាចបង្កគ្រោះថ្នាក់ដល់សុខភាព និងអាចផ្តល់ជាជម្រើសដ៏មានគុណភាពសម្រាប់អ្នកប្រើប្រាស់ដែលយកចិត្តទុកដាក់លើសុខភាព។

IV. អត្ថប្រយោជន៍សង្គម និងសេដ្ឋកិច្ច

១. អត្ថប្រយោជន៍ចំពោះប្រជាកសិករ

ការអភិវឌ្ឍដំណាំសាចា អ៊ិនជី តាមរយៈកម្មវិធីកសិកម្មតាមកិច្ចសន្យា បានជួយបង្កើតទីផ្សារមានស្ថិរភាពសម្រាប់ប្រជាកសិករ បង្កើនប្រាក់ចំណូលគ្រួសារ និងលើកកម្ពស់ការអនុវត្តបច្ចេកទេសកសិកម្មដែលមានប្រសិទ្ធភាព និងនិរន្តរភាព។

២. អត្ថប្រយោជន៍ចំពោះសហគមន៍

ការផលិត និងការកែច្នៃផលិតផលសាចា អ៊ិនជី បានរួមចំណែកបង្កើតការងារនៅក្នុងសហគមន៍មូលដ្ឋាន ជំរុញសកម្មភាពសេដ្ឋកិច្ចក្នុងតំបន់ និងលើកកម្ពស់ការអភិវឌ្ឍសហគ្រាសសង្គមដែលផ្តល់ផលប្រយោជន៍ជូនសហគមន៍។

៣. អត្ថប្រយោជន៍ចំពោះអ្នកប្រើប្រាស់

អ្នកប្រើប្រាស់ទទួលបានផលិតផលដែលមានគុណភាពខ្ពស់ សុវត្ថិភាព និងសម្បូរទៅដោយសារធាតុចិញ្ចឹមដែលមានប្រយោជន៍ដល់សុខភាព។ ការប្រើប្រាស់ផលិតផលសាចា អ៊ិនជី អាចជួយគាំទ្រដល់ការថែរក្សាសុខភាព និងលើកកម្ពស់សុខុមាលភាពក្នុងជីវភាពរស់នៅប្រចាំថ្ងៃ។

V. សេចក្តីសន្និដ្ឋា

ផលិតផលសាចា អ៊ិនជី របស់សមាគម សួស្តី កម្ពុជា គឺជាលទ្ធផលនៃការសិក្សា ស្រាវជ្រាវ និងអភិវឌ្ឍជាបន្តបន្ទាប់ ចាប់ពីការដាំដុះ ការកែច្នៃ រហូតដល់ការផលិតផលិតផលសម្រេច។ តាមរយៈការអនុវត្តកម្មវិធីកសិកម្មតាមកិច្ចសន្យា និងការកសាងខ្សែច្រវាក់តម្លៃកសិកម្មប្រកបដោយប្រសិទ្ធភាព ផលិតផលសាចា អ៊ិនជី បានរួមចំណែកយ៉ាងសំខាន់ក្នុងការលើកកម្ពស់សុខភាព បង្កើនប្រាក់ចំណូលរបស់ប្រជាកសិករ បង្កើតការងារក្នុងសហគមន៍ និងជំរុញការអភិវឌ្ឍសេដ្ឋកិច្ចសង្គមប្រកបដោយចីរភាព។ ផលិតផលទាំងនេះឆ្លុះបញ្ចាំងពីការប្តេជ្ញាចិត្តរបស់ សមាគម សួស្តី កម្ពុជា ក្នុងការផ្តល់ជូននូវផលិតផលដែលមានគុណភាព សុវត្ថិភាព និងអាចទុកចិត្តបាន សម្រាប់ប្រជាពលរដ្ឋ និងអ្នកប្រើប្រាស់គ្រប់រូប។